O'zbekiston Respublikasi Fanlar Akademiyasi Fundamental Kutubxonasi

«Book cafe»ga nima diysiz?!

Kutubxonamizda «Book cafe» ochilishi kutilmoqda.

 

Kutubxona bu — kitobxonlarning ilmiy ishlari, darslari yoki badiiy adabiyotlarni mutolaa qiladigan maskan. Mutolaa qilish bu 5-10 minut davom etadigan jarayon emasligini hisobga oladigan bo’lsak kitobxonning chanqashi yoki biroz bo’lsada tmaddi qilishlariga zarurat tug’ilishi tabiiy hol. Chunki kitobxon o’zi istagan ma’lumotni topishi uchun soatlab mutolaa qilishi mumkin va chanqog’ini qondirish yoki tamaddi qilish uchun kutubxonadan chiqib yaqin atrofdagi taomgohlarga borishi unga noqulaylik tug’diradi hamda chalg’tadi. Shularni hisobgan holda kutubxonamizda «Book Cafe» tashkil qilinishi loyilashtirilmoqda. Ushbu «Book Cafe»da nafaqat issiq choy yoki kofe ichishingiz balki bir piyola choy ustida suhbat qurishingiz, turli g’oya va rejalaringizni muhokama qilishingiz ham mumkin bo’ladi.

Arzon o’quv markazi

Bugungi kunda kutubxona deganda faqatgina kitob saqlaydigan va o’qishga beradigan maskan ko’z oldimizda gavdalanadi. Kitobxonlarning kitob yoki ma’lumotni internet tarmog’idagi turli qidiruv tizimlaridan qidirishlari va qisman bo’lsada topishlarini inobatga olsak kitobxonning kutubxonaga nega kam tashrif buyurishlarini sababibi anglash qiyin emas. Shunday qilib bizda kutubxonalar mavjud bo’lsa, unda har xil sohaga oid kitoblar mavjud bo’lsa, kitoblarni mutolaa qilish uchun o’quv zallari aksar hollarda bo’sh bo’ladigan bo’lsa nega endi biz ushbu vaziyatdan birmuncha foydaliroq holda foydalanmasligimiz kerak. Qanday deysizmi?! Bo’sh qolayotgan o’quv zallarida o’quv markazlarini tashkil qilinsa va bu o’quv markazlarida tahsil olish uchun belgilanadigan to’lov faqatgina o’qituvchining harajatlarini inobatga olgan holda belgilansa… Oqibatda nimaga erishamiz. Arzon va sifati boshqa qimmatbaho o’quv zallaridan qolishmaydigan o’quv maskaniga. Chunki o’sha qimmatbaho o’quv markazlari uchun to’lov —  ijara haqqi, markazni moddiy daromad olish maqsadida tashkil qilgan rahbariyatning ulushi, hamda boshqa birqancha kichik  harajatlar inobatga olingan holda belgilangan. Agar huddi o’sha qimmatbaho markazlar saviyasidagi o’qituvchilarni kutubxonaga jalb qilinsa arzon o’quv markaziga erishgan va kutubxonani chin manoda bilim maskaniga aylantirihga ozgina bo’lsada hissa qo’shgan bo’lardik.

Tipografiya xizmati

Kutubxonamizning matbaa bo’limida turli tipografiya xizmatlari ko’rsatilib kelinmoqda. Bu borada uzoq yillik tajriba va olingan bilim va ko’nikmalar yordam bemoqda desak mubolag’a bo’lmaydi. Chunki xizmatning sifati va tezkorligi aynan yuqorida keltirilgan omillarga bog’liq hisoblanadi.

Matbaa bo’limimizda quyidagi xizmatlar ko’rsatiladi:

  • Turli monografiya va boshqa yumshoq muqovali adabiyotlarni nashrdan chiqarish;
  • Rangli nashr (A4-A3);
  • Oq-qora nashr (A4-A3);
  • Skanerlash;
  • Laminatsiya;
  • tashrif qog’ozlari;
  • Flayerlar;
  • Bukletlar.