Ushbu xalqaro konferensiyada O‘zbekiston Respublikasi Fanlar akademiyasi Fundamental kutubxonasi direktori Zuhra Berdiyeva “Mutolaa – og‘zaki va yozma savodxonlik asosi” mavzusida hamda kutubxona ishlari bo‘yicha direktor o’rinbosari Qunduzay Nurimova “Fanlar akademiyasi fundamental kutubxonasi tomonidan nashr etilgan bibliografik to‘plamlar tahlili” mavzusida, “Jamlash” bo‘limi 1-toifali kutubxonachisi Hamdamova Dilshoda “Maktab kutubxonalari fondini badiiy adabiyotlari bilan to‘ldirish” mavzusida ma’ruza qildilar.

Konferensiyada respublikamizning turli hududlaridan hamda xorijiy mamlakatlardan soha mutaxassislari ishtirok etishdi. Fundamental kutubxona direktori, direktor o’rinbosari va kutubxona xodimi faol ishtiroki uchun tashakkurnoma, sertifikatlar bilan taqdirlandilar.