O‘zbekiston faxriylarining ijtimoiy faoliyatini qo‘llab-quvvatlash “Nuroniy” jamg‘armasi Vasiylik kengashining bayoniga muvofiq mamlakatimizning turli sohalarida ko‘p yillar davomida halol va samarali mehnat qilgan yurtdoshlarimizni, jamiyatda hurmat qozongan shaxslarning bir guruhi “Mehnat faxriysi” ko‘krak nishoni bilan taqdirlandi.

Jumladan, uzoq yillar davomida kutubxonamizning ilmiy-bibliografiya bo‘limida halol va samimiy xizmat qilgan Akramova Sevara va hisob-kitob bo‘limida mehnat qilib ko‘plab shogirdlar tayyorlagan, halol mehnati bilan jamoaning hurmatiga sazovor bo‘lgan Muhabbatxon Gaibnazarova I darajali “Mehnat faxriysi”, hozirgi kunda Fanlar akademiyasi Fundamental kutubxonasida sho‘ba mudiri lavozimida sidqidildan mehnat qilib kelayotgan kamtarin, samimiy Shamsiyeva Shoxista II darajali “Mehnat faxriysi” ko‘krak nishonlari bilan taqdirlandilar.