Azizxon Qayumov – O‘zbekistonda xizmat ko‘rsatgan fan arbobi, adabiyotshunos, sharqshunos, navoiyshunos olim, filologiya fanlari doktori, akademik, butun umrini yurt farovonligi va ilm ravnaqiga bag‘ishlagan ma’rifatparvar, sharqshunos olim, Aziziy taxallusida she’rlar bitgan shoir ham edi.

Olim “O‘zbekiston Xalq maorifi a’lochisi” ko‘krak nishoni, “O‘zbekistonda xizmat ko‘rsatgan fan arbobi” unvoni va Beruniy nomidagi Davlat mukofotiga sazovor bo‘lgan, “Mehnatda o‘rnak ko‘rsatganligi uchun”, “Shuhrat”, “Hurmat belgisi”, “O‘zbekiston belgisi”, “El-yurt hurmati”, “Buyuk xizmatlari uchun” ordenlari bilan taqdirlangan.