Fanlar akademiyasi Fundamental kutubxonasida atoqli matematik olim, O‘zbekiston Respublikasi Fanlar akademiyasi akademigi, fizika-matematika fanlari doktori, professor Vosil Qobulov tavalludining 105 yilligiga bag‘ishlangan kitob ko‘rgazmasi tashkil etildi.

Ko‘rgazmadan olimning ilmiy merosi, ilmiy asarlari hamda hisoblash matematikasi, algoritmlash, inshootlarning zilzilabardoshligi va seysmologik inshootlar muammolariga bag‘ishlangan ilmiy adabiyotlar o‘rin olgan. Shuningdek, raqamli algoritmlar va hisoblash texnikasiga oid ilmiy ishlari ham namoyish etilgan.

Akademik V.Qobulov O‘zbekistonda kibernetika va algoritmik mexanika fanlarining rivojiga katta hissa qo‘shgan olimlardan biridir. Uning ilmiy merosi bugungi kunda ham tadqiqotchilar, olimlar va ilm-fanga qiziquvchi kitobxonlar uchun muhim manba bo‘lib xizmat qilmoqda.