Bugun o‘zbek adabiy tilining asoschisi, shoir, g‘azal mulkining sultoni, ma’rifatparvar, Davlat arbobi Nizomiddin Mir Alisher Navoiyning 582-yilligi mamlakatimizning barcha dargohlarida keng nishonlanmoqda. Ushbu kun munosabati bilan O‘zbekiston Respublikasi Fanlar akademiyasi Fundamental kutubxonasida ham shoirni madh etgan holda “Navoiy-komillik timsoli” mavzusida kitob ko‘rgazmasi tashkil qilindi. Unda ul zotning turli xil mavzularga bag‘ishlangan asarlari, xususan “Xamsa” asaridan joy olgan dostonlari, Navoiyshunos olimlarning asarlari joy olgan.

Jondin seni ko‘p sevarmen, ey umri aziz,
Sondin seni ko‘p sevarmen, ey umri aziz.
Har neniki sevmak ondin ortuq bo‘lmas,
Ondin seni ko‘p sevarmen, ey umri aziz.