Mahalla kutubxonalari bilan hamkorligimiz davom etmoqda. “Quyosh” MFY kutubxonasi bilan hamkorlikda “Shayx Muhammad Sodiq Muhammad Yusuf hazratlari” haqidagi xotira kitobi, “Subhidam hikoyalari”, “Bolaligim ertaklari”, “Ijobat bo‘lgan duo”, “Zulfiya opa bir kuni…”, “Nabiramga maktublar”, to‘rt kitobdan iborat “Shaytonvachchaning nayranglari”, “Champo otli ilon”, “Ona shahrim – Toshkentim” va boshqa kitoblar muallifi O‘zbekistonda xizmat ko‘rsatgan jurnalist, yozuvchi, Xalq maorifi a’lochisi Erkin Malik bilan ijodiy uchrashuv bo‘lib o‘tdi.

Uchrashuvda Nuroniy jamg‘armasidan, Toshkent shahar Buvijonlar makatabidan, O‘zbekistonda xizmat ko‘rsatgan madaniyat xodimi Vazira Sobirova, maktab o‘quvchilari, mahalla fuqarolari ishtirok etishdi. Erkin Malik o‘zlari nashr etgan asarlari haqida so‘zlab berdi. Tinglovchilarda “Shayx Muhammad Sodiq Muhammad Yusuf hazratlari” haqidagi xotira kitobi, “Duo olgan kelinchak”, “Xotira-uyg‘onsa go‘zal”, “Chumolilar saltanati” kabi ko‘plab asarlari katta taasurot qoldirdi. Ishtirokchilar yosh qizlarimizni turmushga tayyorlashda, na’munali oilaviy hayot qurishlarida “Duo olgan kelinchak” asarining ahamiyatini gapirib o‘tdilar. Tadbirni Fundamental kutubxona direktori Zuhra Berdiyeva olib bordi.