Kechada Aziz Qayumovning hamkasblari, shogirdlari, do‘stlari ishtirok etishdi. Ular akdemik haqidagi fikrlari, xotiralari bilan o‘rtoqlashdilar. Tadbir juda maroqli, samimiy, do‘stona ruhda bo‘lib o‘tdi. Xotira kechasida ishtirok etganlar ustoz haqida juda ko‘p gapirish, eslash, yaxshi so‘zlar bilan xotirlash mumkinligini, akademikning har bir satri, har bir yozgan asari, odatlari yoshlar uchun ibratli ekanligini ta’kidlashdi.

Shuningdek, akademikning hayoti va ijodiy merosini targ‘ib etishga qaratilgan kitob ko‘rgazmasi tashkil etildi. Ko‘rgazmada adibning asarlari, u haqidagi ilmiy va badiiy asarlar nashrlari namoyish etildi.