Bugun 12 dekabr 2022 yil O‘zbekiston Respublikasi fan arbobi, akademik Naim Fotihovich Karimov 90 yoshga to‘lishi munosabati bilan Fanlar Akademiyasi anjumanlar zalida xalqaro ilmiy konferensiya bo‘lib o‘tdi. Bir qancha davlatlardan jumladan: AQSh, Turkiya, Germaniya va boshqalardan ishtirokchilar qatnashdi. Konferensiyada Fundamental kutubxona mutaxassislari ham ishtirok etdilar. Ushbu tadbirga bag‘ishlangan kitob ko‘rgazmasi tashkil etildi.

O‘zbekiston Respublikasi Prezidentining maslahatchisi – Spichrayter Xayriddin Sultonov Prezident Shavkat Mirziyoyevning tabrigini o‘qib eshittirdi. Shuningdek, Naim Karimovning Prezidentimiz tomonidan “O‘zbekiston Respublikasida xizmat ko‘rsatgan yoshlar murabbiysi” faxriy unvoni bilan taqdirlangani to‘g‘risida konferensiya ishtirokchilariga e’lon qildi.