2023 yil 4 dekabr kuni kutubxonamizga Qozog‘iston Fanlar akademiyasi Muxtar Avezov nomidagi Adabiyot va san’at institutidan bir guruh mutaxassislar tashrif buyurishdi:
Auyesbayeva Pokiza – filologiya fanlari nomzodi, dotsent, Saltakova Janat – PhD, Qaliasqarova Aynur – doktorantlar kelib kutubxona fondida mavjud qozoq adabiyoti, xalq og‘zaki ijodi namunalari bilan tanishdi.
Shu bilan birga o‘zlari 2022 yilda nashrdan chiqargan “Казахский фольклор и литература в собраниях русских востоковедов – тюркологов до начала ХХ века: Нарративные источники” nomli kitobini kutubxonamizga sovg‘a qildilar. Kitob 744 sahifadan iborat bo‘lib, 2 qismdan tashkil topgan. Tuzuvchilar to‘plamga rus sharqshunos-turkologlari N.N.Pantusov, G.N.Potanin, A.A.Divayev, A.V.Vasliev, I.I.Kraft, A.Y.Alektorov, N.I.Ilminskiylar tomonidan to‘plangan folklor va etnografik maqolalarni yig‘ib berganlar. 40 nomdan ortiq qozoq folklorining 17 ta janriga oid materiallar berilgan.