2025-yil 11-noyabr kuni O‘zbekiston Milliy kutubxonasida “INFOLIB O‘ZBEKISTON-2025” XIV Milliy axborot-kutubxona haftaligi doirasida Fanlar akademiyasi Fundamental kutubxonasi tomonidan “Inson aziz, xotira muqaddas” mavzusida xotira kechasi bo‘lib o‘tdi. Tadbir kutubxonashunoslik sohasida iz qoldirgan ustozimiz Maloxat Asadovna Raximovaning 90 yilligi, Osiyo G‘afurovna Qosimova tavalludining 95 yilligi va akademik Raxima Aminovaning 100 yilligi munosabati bilan ularning shogirdlari, hamkasblari, qarindoshlarining xotiralari tinglandi. Tadbir juda yaxshi taasurot bilan yakunlandi.

Malohat Raximova 1935-yil 14-iyunda Toshkent shahrida dunyoga kelgan, 1953-yil o‘rta maktabni tamomlab, O‘rta Osiyo Davlat Universiteti, hozirgi Mirzo Ulug‘bek nomidagi Milliy universitetning filologiya fakultetiga o‘qishga kirgan. “Kutubxona fondlari va kataloglari” fanidan o‘qituvchi, 1972 yilda tarix fanlari nomzodi ilmiy darajasiga ega bo‘ldi. Rahimova mamlakatimiz kutubxonachilik sohasiga katta hissa qo‘shgan. “Bilimlar maskani”, “Hujjat fondlari”, “O‘zbekiston kutubxonalarining resurslari va ulardan foydalanish”, “Библиотечные фонды”, “O‘zbekistonda ilmiy kutubxonalarning rivojlanishi”, “Kutubxona fondlari” kabi ilmiy asarlar muallifi.