Uchrashuv davomida Guldona Mamanovnaning Turkiyaning Boshbakanlik Osmanli arxivi, Rossiyaning Rossiya imperiyasi Tashqi siyosat arxivi, Rossiya davlat Qadimgi aktlar arxivi, Orenburg viloyat arxivlari fondlarida izlanish olib borgan, Buyuk Britaniyaning Kembridj, AQShning Ogayo, Indiana, Koliforniya davlat universitetlari, Turkiyaning Istambul, Marmara universitetlari, Vengriyaning Markaziy Yevroosiyo tadqiqot universitetida ilmiy safarlarda bo‘lib, xalqaro konferensiyalarda ma’ruza qilgan. Shu mamlakatlarning yirik kutubxonalarida, Rossiya davlat kutubxonasi, Rossiya davlat ommabop tarixiy kutubxonalarida saqlanayotgan manba va ilmiy adabiyotlardagi O‘zbekiston tarixiga doir qimmatli ma’lumotlarni ilmiy muomalaga kiritgan.

U O‘zbekiston tarixi fanida yangi – mintaqa musulmonlari haj ziyorati tarixi yo‘nalishini ochib berdi. G.M. Taniyeva 2009-yildan ESCAS (Markaziy Osiyo tadqiqotlari bo‘yicha Yevropa jamiyati) xalqaro akademik birlashmasining doimiy a’zosi. U “Qarshi bekligi tarixdan lavhalar”, “Imperator kema sovg‘a qilgan buxorolik elchi”, “XVI-XIX asr birinchi yarmida O‘rta Osiyo xalqlarining haj ziyorati tarixi” kabi monografiyalar muallifi, “O‘zbekiston davlatchiligi tarixshunosligi ocherklari”, “O‘zbekistonda elchilik xizmati tarixidan lavhalar”, “O‘zbekiston tarixiga oid manba va tadqiqotlar (XIX-XX asr boshlari) kabi ilmiy monografiyalarni, Oliy o‘quv yurtlari tarix yo‘nalishi talabalari uchun mo‘ljallangan “O‘zbekistonning davlat muassasalari tarixi” kabi darsliklarni tayyorlashda hammuallif sifatida ishtirok etgan. Shuningdek, u nufuzli xorijiy va mahalliy jurnallarda 200 dan ortiq ilmiy maqolalar nashr ettirgan.

Uchrashuv davomida Fanlar akademiyasi Fundamental kutubxonasi direktori Z.Sh.Berdiyeva, “Yosh Temurbeklar” harbiy-sport NTM ta’sischisi Y.B.Boynazarova va bir guruh yosh kitobxonlar ishtirok etishdi.